Sunday, February 17, 2013

പറയാതെ പോയ കപോതങ്ങളെ...



ഇനിയും വസന്തങ്ങള്‍ ഇതള ണി ഞ്ഞെ ത്തുമോ
പറയാതെ പോയ കപോതങ്ങളെ ?
ഇതുവഴി എത്തുമോ ശ്യാമ മേഘങ്ങളേ
പകലിന്റെ വറുതിയില്‍ പെയ്തിറങ്ങാന്‍ ?
ഒരു വേള നീ പോയ വഴിയിലൂടെത്തുമോ
പറയാതെ പോയ കപോതങ്ങളെ?

ഇതു വഴി എത്തുമോ തെന്നലേ നീ എന്റെ
പകലിന്നശാന്തിയില്‍ ഹിമ കണമായ് ?
പറയുമോ നീ പോയ വഴികളി ലിത്തിരി
കനിവിന്‍ കടമ്പു കള്‍ പൂത്തി രുന്നോ ?

അകതാരി ലായിരം കനലിന്റെ നാളങ്ങ-
ള റുതി യില്ലാതെ എരിഞ്ഞിടുമ്പോള്‍
ഒരു രാത്രി മഴയുടെ പദ നിസ്വനങ്ങളും
കുളിരും കിനാക്കളും നീ തരില്ലേ ?
നിണ മണി ഞ്ഞെത്തുന്ന പഥികന്റെ നോവിലേ -
ക്കൊരു മഞ്ഞു തുള്ളിയായ് നീ വരില്ലേ?

ഇടി വീണൊരശ്വദ്ധ ശിഖര പഥങ്ങളില്‍
ചുടു നീഡ മണ യുവാന്‍ നീ വരുമോ?
ചിറകു കരിഞ്ഞൊരീ പക്ഷിതന്‍ നീഡത്തി -
ലിനിയും പിറക്കുമോ സാമ ഗാനം ?

കനിവിന്‍ പയോധര മിനിയും ചുരത്തുമൊ
രണ നിണം വാര്‍ന്നു തപിച്ച മണ്ണില്‍ ?

ഇനിയും പിറക്കാത്ത ഉണ്ണികളേ നിങ്ങ-
ളറിയുമോ പക്ഷിതന്‍ വേദനകള്‍ ?
അരുതേ പിറക്കല്ലേ ഗഗന മുപേക്ഷിച്ച
പറവകളായി പിറക്കരുതെ .
                        (21.07.2012)

1 comment:

  1. ഇതു വഴി എത്തുമോ തെന്നലേ നീ എന്റെ
    പകലിന്നശാന്തിയില്‍ ഹിമ കണമായ് ?
    പറയുമോ നീ പോയ വഴികളി ലിത്തിരി
    കനിവിന്‍ കടമ്പു കള്‍ പൂത്തി രുന്നോ ?

    ഹും..ഇമ്മിണി പൂത്തിരുനൂ...


    പിന്നെ

    ഈ അഭിപ്രായപ്പെട്ടിയിൽ നിന്നും
    ആ വാക്ക് തിട്ടപ്പെടുത്തൽ എടുത്ത്
    കളഞ്ഞാലെ ,സമയക്കുറവുള്ള മിക്ക വായനക്കാരും
    എന്തെങ്കിലും മിണ്ടിപ്പറഞ്ഞ് പോകൂ...കേട്ടൊ ഭായ് ..!

    ReplyDelete