Sunday, February 21, 2016

പന്തയക്കുതിരകൾ


ആരുടെ വിളിപ്പുറത്തെപ്പൊഴും ഉണർന്നിരി-
പ്പാരുടെ വിജയത്തിൻ നാളുകളെണ്ണീടുന്നു!
ആരുടെ  നിറതോക്കു കാത്തിരിക്കുന്നു വൃഥാ
ജീവിത മൊരു 'യൂത്തനേഷ്യ' യിലൊതുങ്ങീടാൻ.

ആരവം മുഴക്കുന്ന ജന സഞ്ചയത്തിന്റെ
ആവേശ കല്ലോലത്തിലൂടവേ അനാരതം
ആർജിത വീര്യംഭരിച്ചാർജുന ബാണം പോലെ
നേർവഴി കുതിക്കുന്നു പന്തയക്കുതിരകൾ.

എന്തിനായോടീ ദൂര മിത്രയും നാളീ മണ്ണിൽ?
"ബന്ധുര മഹീതല മെത്രനാളോടീടുന്നു!"
എന്തു നീ നേടീ ജൈത്ര യാത്രകൾ ക്കൊടുവിലായ്?
"സ്വന്തമാക്കുവാൻ മാത്രമെന്തുണ്ട് വിശ്വത്തിങ്കൽ!"

ഓടുക വാജീ ശ്രേഷ്ടാ! കർമ്മ കാണ്ഡത്തിൻ ശക്തി-
ശ്രോതസ്സു നിറയട്ടെ കാരിരുമ്പടികളിൽ.
പന്തയക്കുതിരകൾ, യന്ത്രങ്ങൾ - നിലക്കാത്ത
ജംഗമ ചലനത്തിൻ ഭാസുര സങ്കൽപ്പങ്ങൾ .


17.02.2016

1 comment:

  1. ‘എന്തിനായോടീ ദൂര മിത്രയും നാളീ മണ്ണിൽ?
    "ബന്ധുര മഹീതല മെത്രനാളോടീടുന്നു!"
    എന്തു നീ നേടീ ജൈത്ര യാത്രകൾ ക്കൊടുവിലായ്?
    "സ്വന്തമാക്കുവാൻ മാത്രമെന്തുണ്ട് വിശ്വത്തിങ്കൽ!"

    ഓടിപ്പിക്കുന്നവർക്കും , കടിഞ്ഞാൺ പിടിക്കുന്നവർക്കും മാത്രം നേട്ടങ്ങൾ നേടി കൊടുക്കുവാനാണീയോട്ടം...അല്ല്ലേ

    ReplyDelete