Wednesday, January 23, 2013

കണ്ടുവോ നീ സോക്രട്ടീസേ

പാളയം പാതയില്‍ ഒരുപിടി ചൂട്ടുമായ്
ആരെ നീ തെരയുന്നു ഗ്രീക്കിലെ  സോക്രട്ടീസേ?
ആളുന്ന പന്തത്തിന്റെ നാളത്തില്‍ തിളങ്ങുന്ന
നാസിക തുമ്പു കൊണ്ടാരെ നീ തെരയുന്നു?
വെളിച്ചം പോരെന്നുണ്ടോ? ഉച്ച വെയിലിന്റെ
തീക്ഷ്ണ പക്ഷങ്ങള്‍ തളര്‍ന്നുവോ വിളക്കു   പൊലിഞ്ഞുവൊ ?
കാറ്റിലാടും കരിമ്പനച്ചാ ര്‍ ത്തു പോ ലുല  -
ഞ്ഞാര്‍ത്തനായ് തെരയുന്നു ഓരോ മുഖത്തിലും.

നോക്കി നീ ദേവാലയ സമക്ഷത്തില്‍ ,
നേര്‍ച്ച കള ര്‍പ്പിച്ചിറങ്ങും ഭക്തന്മാരെ .
പേപ്പറില്‍ തുല്യം ചാര്‍ത്തുവോര്‍ , പരശതം
നോട്ടു മാലകളിട്ടു ക്ഷേമം വിളമ്പുവോര്‍ .
പെരുക്കി കിഴിക്കുവോര്‍ , കണക്കിലെ
കളികള്‍ക്ക്  കപ്പം കൊടുക്കുവോര്‍ ,
ദൈവത്തെ മുറിച്ചു വില്‍ക്കുന്നവര്‍ .
പഠിക്കുവോര്‍ , പാഠങ്ങള്‍ ചൊല്ലി ക്കൊടുക്കുവോര്‍
പിന്നെ പഠനം വില്‍ക്കുന്നവര്‍ .
രോഗിയെ കക്കുന്നവര്‍ .

ആളുകള്‍ പുഴുക്കളായ്  ഞുളഞ്ഞു  മദിക്കുന്ന
പാതയില്‍ പഴത്തൊലി പോലെ നീ മരുവുന്നു .
കണ്ടുവോ മഹാത്മാവേ നീ തേടുമാത്മാവിനെ ?
ദണ് ഡകാരണ്യ മല്ലോ പാളയപ്പെരുവഴി !

മാനുഷ്യകത്തിന്റെ പൊ രുളിലേക്കൊളിചിമ്മി
നോക്കിയ നയനങ്ങള്‍ കലങ്ങി മറിഞ്ഞുവോ?
നേര്‍ത്ത ഫാലത്തില്‍ കാലം തീര്‍ത്ത സീതങ്ങളില്‍
വേര്‍പ്പിന്റെ പെരുവെള്ള മലറി പ്പാ യു ന്നല്ലോ .
'
പ് ളേട്ടോയും' 'ക്സിനഫോണും' വന്ദിച്ചോരടികളില്‍
ചെറ്റു പറ്റിയോ മസ്തിഷ്ക വിഴുപ്പി ന്നോരങ്ങളില്‍ .
ചോദ്യങ്ങള്‍ ചോദ്യങ്ങള്‍ കൊണ്ട റിവിന്‍ നികുംഭില
ഭേദിച്ച നാവിന്‍ തുമ്പും ഉണങ്ങി വരണ്ടുവോ?
ഒടുവില്‍ രക്തസ്സാക്ഷി മണ്‍ഡപ പ്പടികളില്‍
തരിപ്പു ബാധിച്ച കാലുമാ യിരിക്കവേ
തരിപ്പു നാവിന്‍ തുമ്പിലെ ത്തും മുമ്പുര യ്ക്കു ന്നു.
"
കോഴിയെ കൊടുക്കണം , ഞാനൊന്നും കണ്ടില്ലല്ലോ!"

2 comments: