കഞ്ഞി കുടിക്കാനെത്തിയപ്പോൾ

ഒരിക്കൽ കഞ്ഞി കുടിക്കനെത്തിയപ്പോൾ  

മേശയ്ക്കു ചുറ്റും കസേരകളില്ലായിരുന്നു.

മറ്റൊരിക്കൽ, കസേരകൾ ഒഴിവില്ലായിരുന്നു.

വേറൊരിക്കൽ കോരിക്കുടിക്കാൻ 

കരണ്ടിയില്ലായിരുന്നു.

ഇനിയുമൊരിക്കൽ കൂട്ടുകറി തിളയ്ക്കുകയായിരുന്നു.

ഒരിക്കൽ ഉപ്പിലിട്ടവ തീർന്നുപോയിരുന്നു.

പിന്നൊരിക്കൽ അതിഥികൾ പുറത്തു നിൽക്കുകയായിരുന്നു.

പിന്നീടൊരിക്കൽ പുറത്തു മഴ പെയ്യുകയായിരുന്നു.

മറ്റൊരിക്കൽ കഠിനമായ വേനലായിരുന്നു.

ഇനിയൊരിക്കൽ സൂര്യഗ്രഹണമായിരുന്നു.

പക്ഷെ എല്ലാത്തവണയും കഞ്ഞിയുണ്ടായിരുന്നു.

എന്നിട്ടും!

-------------

05.07.2020